Բանավիճում են առաջին կուրսեցիները

Նոյեմբերի 5-ին մեկնարկել է Արևելագիտության ֆակուլտետում ավանդական դարձած բանավեճերի շարքը: Բանավիճում էին իրանագիտության և թյուրքագիտության առաջին կուրսեցիներից ձևավորված հինգ հոգանոց թիմերը: Բանավեճի թեման էր՝ «Մահապատժի օրինականացումը ՀՀ-ում»: 

Նախքան բանավիճելը առաջին կուրսեցիների համար կազմակերպվել է հատուկ դասընթաց, որպեսզի հավուր պատշաճի ներկայանան բանավեճին: Ամեն թիմ ուներ իր մարզիչը:
Ժյուրիի անդամներն էին՝ Արևելագիտության ֆակուլտետի փոխդեկան, իրանագիտության ամբիոնի դասախոս Վարդան Ոսկանյանը, ֆակուլտետի ուսխորհուրդի նախագահ Էդվարդ Գալստյան, ուսանողական գիտական ընկերության նախագահ Արշակ Գևորգյանը:
Բանավիճողների պատրաստվածությունը բավականին գոհացնող էր: Եզրափակիչ փուլ անցավ թյուրքագիտության ամբիոի առաջին կուրսեցիներին ներկայցնող թիմը, ինչի առթիվ շնորհավորում ենք նրանց:

Հաջորդ բանավեճին կմրցեն արաբագիտության և իրանագիտության թիմերը: Երկու թիմերին էլ մաղթում ենք հաջողություն:

Կարդալ ավելին

Իրանագետների հաղթանակը թիմին դուրս բերեց եզրափակիչ

Մերի Քոչարի անվան բանավեճի առաջնության շրջանակներւմ միմյանց եմ դուրս եկան իրանագիտության և թյուրքագիտության ամբինների հավաքական թիմերը: Երիտասարդ արևելագետների բանավեճին թեման էր «ՀՀ-ում բարձր պաշտոն զբաղեցնելու համար պարտադիր է լավ կրթություն ունենալ»:
Բանավիճող կողմերին գնահատում էին ֆակուլտետի փոխդեկան Ռուբեն Մելքոնյանը, իրանագիտւթյան ամբինի դասախոս Սարգիս Ասատրյանը և ուսանողական խորհրդի գիտակրթական հանձնաժողովի անդամ Անի Հովակիմյանը:

Ծավալված բուռն և էմոցիոնալ բանավեճի արդյունքում ավելի ծանրակշիռ գտնվեցին իրանագետների փաստերը, որոնք հանդես էին գալիս դեմ դիրքորոշմամբ:
Տանելով իր երկրորդ հաղթանակը` իրանագիտության հավաքական թիմն ապահովեց տեղը եզրափակչում:  Եզրափակչի երկրորդ մասնակցի ուղեգիրը միմյանց միջև կվիճարկեն արաբագիտության և թյուրքագիտության թիմերը:



Խաղը տեղի կունենա փետրվարի 4-ին ժամը 14:30 Երկանեանների անվան դահլիճում: Սիրով սպասում ենք բոլորին:

Կարդալ ավելին

Մերի Քոչարի անվան բանավեճի առաջնության մեկնարկը տրված է

Փետրվարի 26 –ին տեղի ունեցավ Արևելագիտության ֆակուլտետում ավանդական դարձած Մերի Քոչարի անվան բանավեճի հերթական առաջնության առաջին խաղը:

Բանավիճում էին իրանագիտության և արաբագիտության բաժինների  թիմերը: Բանավեճի թեման էր ՝ «Սահմանադրական բարեփոխումների արդյունքնում ինչպիսի՞ ուղղի պետք է ընտրի Հայաստանի Հանրապետությունը ՝ պառլամենտական, թե՞ նախագահական» : Նախագահական հանրապետության շահերն էին պաշտպանում իրանագետները , իսկ պառլամենտականինը ՝ արաբագետները: Ժյուրիի անդամներն էին ՝ Պողոսյան Նաիրան(թյուրքագիտության ամբիոն),  Բազիրյան Մարիետա (արաբագիտության ամբիոն) և Դավթյան Սոնան (իրանագիտության ամբիոն):

Խաղն առաջինը սկսեց արաբագիտության թիմը՝ առաջ քաշելով այն վարկածը, որ ՀՀ պետք է ունենա պառլամենտական համակարգով կառավարման ձև, նշելով համակարգի դրական կողմերը: Արաբագիտության թիմի բանախոսները նշեցին,որ պառլամենտական համակարգն իրենից ենթադրում է ժողովրդավարական կարգերի հաստատում:

 Ի հակադրություն սրան իրանագիտության թիմը կարողացավ ապացուցել, որ Հայաստանի Հանրապետությունը պետք է ունենա նախագահական կառավարման համակարգ: Նրանք նշեցին մեր հանրապետությանը սպառնացող ռազմական վտանգավոր իրավիճակում, արագ արձագանքման համար ավելի հարմար է նախագահական շուտափույթ որոշումը: Ինչպես նաև խոսվեց Սահմանադրական դատարանի կողմից հանրապետության նախագահի գործողությունների վերահսկողության մատչելիության և օրենքի չարաշահման դեպքում ղեկավարին տույժի ենթարկելու մասին: 

Ժյուրիի անդամները բանախոսներին տվեցին խորհուրդներ՝ հավելելով իրանագիտության թիմի փաստերի և հիմնավորումների,ինչպես նաև հռետորաբանության առավելության մասին: Խաղն ավարտվեց իրանագետների հաղթանակով:

Հիշեցնենք, որ հաջորդ խաղը կկայանա փետրվարի 27-ին թուրքագիտության և իրանագիտության բաժինների թիմերը:

Կարդալ ավելին

Հայտնի են եզրափակչի մասնակիցները

Նոյեմբերի 4֊ին տեղի ունեցավ Արևելագիտության ֆակուլտետի ուսանողական խորհրդի կողմից կազմակերպված առաջին կուրսեցիների բանավեճի առաջնության հերթական խաղը։
Սիրիահայերի Հայաստանում մնալու կամ Սիրիա վերադառնալու խնդրի շուրջ բանավիճում էին իրանագիտության և թյուրքագիտության առաջին կուրսերը ներկայացնող թիմերը։
Խնդրի քննարկումների ընթացքում բանախոսներն անդրադարձան թե՛ Սիրիայի ներքաղաքական վիճակին, թե՛ Հայաստանի Հանրապետության կառավարության կողմից սիրիահայերի խնդիրների ուղղությամբ տարվող քաղաքականությանը, թե ներգաղթի ճանապարհային քարտեզ ստեղծելու անհրաժեշտությանը։
Ծավալված բանավեճի արդյունքում ժյուրին հաղթանակը շնորհեց թյուրքագիտության թիմին։
Հենց այս բանավեճի արդյունքում պարզ դարձավ եզրափակիչ խաղի մասնակից զույգը։
Այսպիսով նոյեմբերի 6-ին եզրափակիչ խաղում միմյանց դեմ դուրս կգան Արաբագիտություն 1 և Թյուրքագիտություն 1 թիմերը։

Կարդալ ավելին

Բանավեճի թեման`« Հայ-թուրքական սահմանի վերաբացումը»

Նոյեմբերի 1-ին տեղի ունեցավ արևելագիտության ֆակուլտետի առաջին կուրսեցիների առաջնության երկրորդ խաղը:Երկրորդ խաղը տեղի ունեցավ արաբագիտության և իրանագիտության թիմերի մեջ: Բանավեճի թեման էր՝«Արդյոք պետք է բացվի հայ-թուրքական սահմանը, թե՞ ոչ»:

:

                                            

Ժյուրիի անդամներն էին ՝ Ռուբեն Մելքոնյանը (թյուքագիտության ամբիոն),Սոնա Տոնիկյանը (արաբագիտության ամբիոն), Վարդան Կոստանյանը (իրանագիտության ամբիոնի նախկին ուսանող,2012-13թթ. ՈւԳԸ նախագահ), Գարիկ Գրիգորյանը (իրանագիտության ամբիոնի նախկին ուսանող):
                                    

Բանավեճն անցավ մասնակիցների հայրենասիրական գաղափարների ներքո: Արաբագետները ի շահ հայրենիքի զարգացման և տնտեսության առաջընթացի տեսանկյունից, ցանկանում էին բացել սահմանը, ապա իրանագետները միանշանակ բացառում էին այդ փաստը և,ազգի անվտանգությունից ելնելով, պաշտպանում էին իրենց տեսակետը:

Խաղի ընթացքում քննարկումները շատ էին, սակայն կային հարցեր, որոնց մասին պարոն Մելքոնայնի խորհրդով ուսանողները դեռ պետք է խորհեն:

                                 

Խաղը վերջացավ արաբագետների հաղթանակով: 

Կարդալ ավելին

Բանավիճում են ամենաերիտասարդ արևելագետները

Հոկտեմբերի 31-ին Արևելագիտության ֆակուլտետում մեկնարկեց առաջին կուրսեցիների բանավեճի առաջնությունը:

 Առաջնությանը մասնկացում են արաբագիտության, թյուրքագիտության և իրանագիտության բաժինների 1-ին կուրսեցիները: Առաջին խաղը արաբագիտության և թյուրքագիտության թիմերի միջև էր: Բանավեճի թեման էր «Արդյոք Հայաստանը պետք է խորացնի ԻԻՀ֊ի հետ հարաբերոությունները, թե՞ ոչ »:  

 


Բանավեճը դատում էին պարոն Մելքոնյանը (թյուքագիտության ամբիոն), պարոն Ոսկանյանը (իրանագիտության ամբիոն), պարոն Քոչարյանը (արաբագիտության ամբիոն) և Մխրթար Հայրապետյանը (Արևելագիտության ֆակուլտետի նախկին ուսանող):

Բանավեճն անցավ թեժ մթնոլորտում: Արաբագետների ճշգրիտ փաստարկներին գալիս էին հակադրվելու թյուրքագետների պատմական տարակուսանքները: Խաղի վերջում ժյուրիի անդամ  պարոն Ոսկանյանը նշեց, որ խաղի ընթացքում քիչ էին քննարկումներն ու հարցերը, իսկ պարոն Քոչարյանը հավելեց, որ հարցեր տալով է պետք գտնել հակառակորդի թույլ կետերը:  



Խաղն ավարտվեց թյուքագետների հաղթանակով:

Թիմերին մաղթում ենք ավելի հարցաշատ և առողջ խաղեր:

Հ.գ. Հիշեցնենք նաև, որ նոյեմբերի 1-ին կբանավիճեն արաբագետները և իրանագետները:

Կարդալ ավելին