Փորձը հաղթեց երիտասարդությանը: Ասպիրանտուրա 14:3 Թյուրքագիտություն 4

Հոկտեմբերի 12-ին իր եզրագիծը հատեց Արևելագիտության ֆակուլտետի Ուսանողական խորհրդի կողմից արդեն 4-րդ տարին անընդմեջ կազմակերպվող Մոնթե Մելքոնյանի անվան ֆուտբոլի ներֆակուլտետային առաջնությունը: Եզրափակչում հանդիպեցին ասպիրանտների և Թյուրքագիտության 4-րդ կուրսի ուսանողների թիմերը, որոնք, հաղթահարելով խմբային փուլի արգելքը, կիսաեզրափակիչ խաղերում հաղթանակներ էին տոնել՝ համապատասխանաբար Արաբագիտություն 4 և Թյուրքագիտություն 1 թիմերի նկատմամբ: Ասպիրանտ ֆուտբոլիստներին հաջողվեց հանդիպման ողջ ընթացքում ունեցած թե՛ խաղային, թե՛ տարածքային առավելությունը շոշափելի դարձնել և հաղթել խոշոր՝ 14:3 հաշվով:
Եզրափակիչ հանդիպմանը ներկա էր Արևելագիտության ֆակուլտետի փոխդեկան Ռուբեն Մելքոնյանը, ով, շնորհավորելով հաղթող թիմին, նշեց, որ այս անգամ փորձը հաղթեց երիտասարդությանը, և չեմպիոնական գավաթը հանձնեց հաղթող թիմի ավագ Մխիթար Հայրապետյանին:
Մրցաշարի կազմակերպիչ, ՈւԽ սպորտի հանձնաժողովի պատասխանատու Նարեկ Կարդաշյանն էլ հավելեց, որ բավականին դիտարժան ու հետաքրքիր մրցաշար էր՝ խոստանալով, որ առաջիկա ուսանողական տարիներին սույն նախաձեռնությունը շարունակական բնույթ է կրելու՝ ընդգրկելով նորանոր թիմեր ու մասնակիցներ:
Նշենք նաև, որ հանդիպման լավագույն ֆուտբոլիստ ճանաչվեց փոխչեմպիոնի կոչումը նվաճած Լևոն Ղարիբյանը:
Դե իսկ Մոնթե Մելքոնյանի անվան ֆուտբոլի ներֆակուլտետային առաջնության լավագույն ռմբարկուի կոչմանն արժանացավ ասպիրանտներից Արսեն Մելոյանը, ով
մրցաշարի ընթացքում դարձավ 17 գոլի հեղինակ:
Լավագույն 5 ռմբարկուների ցուցակն ունի հետևյալ տեսքը`
1.Մելոյան Արսեն՝ 17 (Ասպիրանտ)
2.Կոստանյան Վարդան՝ 15 (Ասպիրանտ)
3.Կարդաշյան Նարեկ՝ 14 (Արաբ 2)
4.Հայրապետյան Մխիթար՝ 10 (Ասպիրանտ)
5.Դոլբակյան Արթուր՝ 6 գոլ (Թյուրք 4)
5.Դավթյան Մխիթար՝ 6 (Թյուրք 1)

Եզրափակիչ հանդիպման նկարերը կարող եք գտնել մեր ֆեյսբուքյան էջում `
https://www.facebook.com/media/set/?set=a.676153709075751.1073741825.176264319064695&type=3

Կարդալ ավելին

Հայտնի են եզրափակչի մասնակիցները

Այսօր «Կիլիկիա մարզադահլիճում» կայացան Արևելագիտության ֆակուլտետի Մոնթե Մելքոնյանի անունը կրող ֆուտբոլային մրցաշարի կիսաեզրափակիչ հանդիպումները:
Ասպիրանտուրան 4:3 հաշվով կամային հաղթանակ տարավ Արաբագիտություն 4 թիմի նկատմամբ, իսկ Թյուրքագիտություն 4 - Թյուրքագիտություն 1 խաղում ուժեղ գտնվեցին ավագ թյուրքագետները. խաղն ավարտվեց 4:2 հաշվով: Այսպիսով, եզրափակիչում կմրցեն Ասպիրանտուրան և Թյուրքագիտություն 4-ը: Եզրափակիչ հանդիպման և պարգևատրման հանդիսավոր արարողության վերաբերյալ մանրամասները կհայտնենք առաջիկա օրերին՝ ֆեյսբուքյան մեր խմբի միջոցով:
Լավագույն 5 ռմբարկուներն են՝
1.Կարդաշյան Նարեկ՝ 14 (Արաբ 2)
2.Մելոյան Արսեն՝ 13 (Ասպիրանտ) 3. Կոստանյան Վարդան՝ 9 (Ասպիրանտ) 4.Հայրապետյան Մխիթար՝ 7 (Ասպիրանտ) 5.Դավթյան Մխիթար՝ 6 (Թյուրք 1

Կարդալ ավելին

Ֆուտբոլային տոնը սկսում է

Հոկտեմբերի 1֊ից կմեկնարկի Մոնթե Մելքոնյանի անունը կրող արևելագիտության ֆակուլտետի արդեն ավանդական դարձած ֆուտբոլային մրցաշարը։ Խաղերը ինչպես և նախկինում տեղի կունենան Կիլիկիա մարզադաշտում։ 
Սպրոտի հանձնաժողովի պատասխանատուների և թիմերի ավագների ներկայությամբ տեղի ունեցած վիճակահանության արդյունքում թիմերը բաժանվել են 2 ենթախմբի՝

Ա խումբ

Արաբագիտություն 2 
Արևելագիտության ասպիրանտուրա
Իրանագիտություն 2
Թյուրքագիտություն 1

Բ խումբ
Թյուրքագիտություն 4
Արևելագիտություն 3
Արաբագիտություն 4
Իրանագիտություն 1

Հոկտեմբերի 1֊ին ժամը 16։00-ին կմրցեն Արաբագիտություն 2 և Իրանագիտություն 2, իսկ 17։00-ին՝ Թյուրքագիտություն 1 և Արևելագիտության ասպիրանտուրա թիմերը։

Հոկտեմբերի 2֊ին իրենց ուժերը կչափեն 16։00֊ին Թյուրքագիտություն 4֊ Արաբագիտություն 4, 17։00֊ին Արևելագիտություն 3- Իրանագիտություն 1 զույգերը։

Սիրով հրավիրում ենք բոլորին աջակցել բոլոր ֆուտբոլիստներին։

Կարդալ ավելին

ՉԵՄՊԻՈՆԸ ՉԻ ՓՈԽՎՈՒՄ

Ավարտվեց Մոնթե Մելքոնյանի անունը կրող ֆուտբոլային հուշամրցաշարը:

Հոկտեմբերի 11-ին Կիլիկիա մարզադահլիճում տեղի ունեցավ ԵՊՀ արեւելագիտության ֆակուլտետում արդեն ավանդական բնույթ կրող Մոնթե Մելքոնյանի անվան ֆուտբոլային հուշամրցաշարի եզրափակիչ հանդիպումը, որին այս տարի մասնակցում էին Արաբագիտության եւ Թյուրքագիտության բաժինների 4-րդ կուրսը ներկայացնող թիմերը: Ֆուտբոլային հուշամրցաշարը, որը մեկնարկել էր դեռ օրեր առաջ, արդեն 3-րդ տարին անընդմեջ կազմակերպում է ֆակուլտետային ուսանողական խորհուրդը:

Այս տարի ֆուտբոլային հուշամրցաշարին ավելի շատ թիմեր էին ներկայացված, քան նախորդ երկու տարիներին, քանի որ այս ուսումնական տարում ֆակուլտետում ուսանողների պակաս չի եղել: Ֆուտբոլային այս ինքնատիպ առաջնությունը, որ կազմակերպել էր մեր ուսանողական խորհրդի սպորտի հանձնաժողովը` Մխիթար Հայրապետյանի գլխավորությամբ, շարժել էր ֆակուլտետի ուսանողության հետաքրքրությունը. պատահական չէ, որ նաեւ երկրպագուներ կային եզրափակիչ խաղի ժամանակ»,- ասաց ֆակուլտետային ՈՒԽ նախագահի ժամանակավոր պաշտոնակատար Արման Գրիգորյանը:

Եզրափակիչ հանդիպումն անցավ Արաբագիտության բաժնի ուսանողների խաղային առավելությամբ, ինչն էլ նպաստեց, որ վերջիններս 3-րդ տարին անընդմեջ նվաճեն Մոնթե Մելքոնյանի անունը կրող փոխանցիկ գավաթը: Թեեւ ինչքան էլ Թյուրքագիտության բաժնի ուսանողները փորձեցին ջանքեր գործադրել խաղադաշտում, այնուամենայնիվ, կարեւոր խաղը փրկել ու ջախջախիչ պարտությունից խուսափել նրանց չհաջողվեց. եզրափակիչն ավարտվեց 18-6 հաշվով` հօգուտ Արաբագիտության բաժնի ուսանողների:

Այս նույն թիմով խաղում ենք ավելի քան 3 տարի եւ արդեն կես բառից հասկանում ենք միմյանց: Իհարկե հաճելի է, որ անընդմեջ լավագույնն ենք դառնում ֆակուլտետում` նորանոր ռեկորդներ գրանցելով. թիմը 17 խաղ անընդմեջ հաղթանակ է տարել»,- ասաց Արաբագիտության բաժնի թիմի խաղացող Ռաֆայել Մամիկոնյանը:

Ֆուտբոլային խաղից հետո չեմպիոններին փոխանցվեց Մոնթե Մելքոնյանի անունը կրող գավաթը, իսկ ավելի ուշ նրանք նաեւ պատվոգրեր կստանան ֆակուլտետային ՈՒԽ-ի եւ ղեկավար անձնակազմի կողմից:
Ֆակուլտետային Ուսանողական խորհուրդը շնորհավորում է Արաբագիտություն 4-րդ կուրսին եռակի հաղթանակի կապակցությամբ:
Ստորև ներկայացնում ենք եզրափակիչ խաղի ֆոտոշարքը: 
Հ․Գ․ Նկարները մեծացնելու համար սեղմեք դրանց վրա

Կարդալ ավելին

Մոնթեի գավաթի համար պայքարը շարունակվում է

Ավարտվեց Արևելագիտության ֆակուլտետի ֆուտբոլի ներֆակուլտետային առաջնության խմբային փուլը: Ներկայացնում ենք այս փուլի արդյունքները:

1-ին խաղային օր․

Արաբական 4 - Իրանական 4 (9 - 4)

Մագիստրատուրա - Թուրքական 4 (5 - 9)
2-րդ կուրս - Սիրիական (2 - 12)
Թուրքական 3 - Արաբական մագիստրատուրա (11 - 7)

 

2-րդ խաղային օր․

2-րդ կուրս - Իրանական 4 (8 - 9)

1-ին կուրս իրանական - Թուրքական 4 (6 - 9)
Սիրիական - Արաբական 4 (3 - 9)
Թուրքական 3 - Արաբական 3 (17 - 4)

3-րդ խաղային օր․

Արաբական 4 - 2-րդ կուրս (6 - 0 (տեխ. պարտ.))

Մագիստրատուրա - 1-ին կուրս իրանական (12 - 5)
Իրանական 4 - Սիրիական (8 - 8)
Արաբական 3 - Արաբական մագիստրատուրա (10 - 5)


Այսպիսով, ավարտվեց խմբային փուլը, և վիճակահանության արդյունքում հայտնի դարձան կիսաեզրափակչի 2 զույգերը:

Ուրբաթ, հոկտեմբերի 5`
16:00 Արաբական 4 - Թուրքական 3
17:00 Սիրիական - Թուրքական 4

Կարդալ ավելին

Արևելագիտության ֆակուլտետում դարձյալ ֆուտբոլային կրքերը թեժանալու են

    Հոկտեմբերի մեկին Արևելագիտության ֆակուլտետում կմեկնարկի արդեն իսկ գեղեցիկ ավանդույթ դարձած Մոնթե Մելքոնյանի անվան ֆուտբոլի հուշամրցաշարը: Ամեն տարի ֆուտբոլային այս գեղեցիկ տոնին ֆակուլտետի ուսանողները մեծ ուրախությամբ ու անհամբերությամբ են սպասում: Դեռևս խաղեը չսկսված, արդեն իսկ ֆակուլտետում սկսում են շշուկներն ու բանավեճերը, թե որ թիմն է դառնալու չեմպիոն և իր հետ տանելու Մոնթեի գավաթը: Այնուամենայնիվ նշենք, որ մինչև հիմա այդ գավաթին երկու անգամ արժանացել են արաբագետները (ներկայիս «Արաբական 4» անվան տակ հանդես եկող թիմը):
   Մեզ մնում է միայն սպասել խաղերի մեկնարկին, որոնք համոզված ենք անցնելու են շատ լարված, հետաքրքիր ակնթարթներով և տրիբունաներով լի, որոնցից վերջինն ապահովելու են հիմնականում ֆակուլտետի աղջիկ֊երկրպագուներն ու մոլի ֆուտբոլասերները:
   Ստորև ներկայացնում ենք առաջիկա օրերին անցկացվող խաղերի ու թիմերի  ցուցակը: Հաջողություն բոլորիս: 


Հոկտեմբերի 1

14:00 Արաբական 4 - Իրանական 4
15:00 Մագիստրատուրա - Թուրքական 4
16:00 2-րդ կուրս - Սիրիական
17:00 Թուրքական 3 - Արաբական մագիստրատուրա

Հոկտեմբերի 2

14:00 2-րդ կուրս - Իրանական 4
15:00 1-ին կուրս - Թուրքական 4
16:00 Սիրիական - Արաբական 4
17:00 Արաբական մագիստրատուրա - Արաբական 3

Հոկտեմբերի 3

14:00 Արաբական 4 - 2-րդ կուրս
15:00 Մագիստրատուրա - 1-ին կուրս
16:00 Իրանական 4 - Սիրիական
17:00 Արաբական 3 - Թուրքական 3

Կարդալ ավելին

Ներֆակուլտետային ֆուտբոլ 2011

Մոնթե Մելքոնյանի անվան ֆուտբոլային մրցաշարի հաղթող "Արաբագիտություն-3" թիմը

Կարդալ ավելին

Մոնթե Մելքոնյանի անվան ֆուտբոլի հուշամրցաշար. Ռմբարկուներ

1. Համլետ Հախյան ("Արաբագիտություն 2")..............................8
2. Ժիրայր Վարդանյան ("Թուրքագիտություն 2").......................6
3-4. Կարապետ Ռեսթևանյան ("Արաբագիտություն 2")...........4
3-4. Ռաֆայել Հովհաննիսյան ("Արաբագիտություն 3").............4
5-6. Գևորգ Բաբայան ("Թուրքագիտություն 3")..........................3
5-6. Արթուր Դոլբակյան ("Թուրքագիտություն 2")......................3


Հ.Գ.: Թարմացումները կլինեն խաղերից հետո:

Կարդալ ավելին

Ֆուտբոլի մրցաշարային աղյուսակ

ՄՈՆԹԵ ՄԵԼՔՈՆՅԱՆԻ ԱՆՎԱՆ ԳԱՎԱԹ

ԽՄԲԱՅԻՆ ՓՈՒԼ

A Խումբ

ԹԻՄ	Խ-Գ	Բ-Գ	Մ	Տ
ԹՈՒՐՔԱԳԻՏՈՒԹՅՈՒՆ 3	7	9	3	2
ԱՐԱԲԱԳԻՏՈՒԹՅՈՒՆ 4	6	10	0	3
ԹՈՒՐՔԱԳԻՏՈՒԹՅՈՒՆ 4	11	5	6	1

05.10.2011        "ԹՈՒՐՔԱԳԻՏՈՒԹՅՈՒՆ 3" 5-3 "ԱՐԱԲԱԳԻՏՈՒԹՅՈՒՆ 4"

07.10.2011        "ԱՐԱԲԱԳԻՏՈՒԹՅՈՒՆ 4" 3-5 "ԹՈՒՐՔԱԳԻՏՈՒԹՅՈՒՆ 4"

10.10.2011        "ԹՈՒՐՔԱԳԻՏՈՒԹՅՈՒՆ 3" 2-6 "ԹՈՒՐՔԱԳԻՏՈՒԹՅՈՒՆ 4"

 B Խումբ

ԹԻՄ	Խ-Գ	Բ-Գ	Մ	Տ
ՄԱԳԻՍՏՐԱՏՈՒՐԱ	16	8	3	2
ԹՈՒՐՔԱԳԻՏՈՒԹՅՈՒՆ 2	11	6	6	1
ԻՐԱՆԱԳԻՏՈՒԹՅՈՒՆ 3	2	15	0	3

05.10.2011                 "ՄԱԳԻՍՏՐԱՏՈՒՐԱ" 4-8 "ԹՈՒՐՔԱԳԻՏՈՒԹՅՈՒՆ 2"

          07.10.2011        "ԹՈՒՐՔԱԳԻՏՈՒԹՅՈՒՆ 2" 3-2 "ԻՐԱՆԱԳԻՏՈՒԹՅՈՒՆ 3"

                10.10.2011         "ՄԱԳԻՍՏՐԱՏՈՒՐԱ" 12-0 "ԻՐԱՆԱԳԻՏՈՒԹՅՈՒՆ 3"

C Խումբ

ԹԻՄ	Խ-Գ	Բ-Գ	Մ	Տ
ԱՌԱՋԻՆ ԿՈՒՐՍ	4	18	0	3
ԱՐԱԲԱԳԻՏՈՒԹՅՈՒՆ 2	14	10	3	2
ԱՐԱԲԱԳԻՏՈՒԹՅՈՒՆ 3	16	6	6	1

 05.10.2011                      "ԱՌԱՋԻՆ ԿՈՒՐՍ" 3-9 "ԱՐԱԲԱԳԻՏՈՒԹՅՈՒՆ 2"

07.10.2011         "ԱՐԱԲԱԳԻՏՈՒԹՅՈՒՆ 2" 5-7 "ԱՐԱԲԱԳԻՏՈՒԹՅՈՒՆ 3"
10.10.2011                       "ԱՌԱՋԻՆ ԿՈՒՐՍ" 1-9 "ԱՐԱԲԱԳԻՏՈՒԹՅՈՒՆ 3"


ԿԻՍԱԵԶՐԱՓԱԿԻՉ 
01.11.2011                      "ԱՐԱԲԱԳԻՏՈՒԹՅՈՒՆ 3" 6-1 "ՄԱԳԻՍՏՐԱՏՈՒՐԱ"
01.11.2011              "ԹՈՒՐՔԱԳԻՏՈՒԹՅՈՒՆ 2" 10-2 "ԹՈՒՐՔԱԳԻՏՈՒԹՅՈՒՆ 4"


ԵԶՐԱՓԱԿԻՉ
07.11.2011                "ԱՐԱԲԱԳԻՏՈՒԹՅՈՒՆ 3" 7-1  "ԹՈՒՐՔԱԳԻՏՈՒԹՅՈՒՆ 2"

Կարդալ ավելին

Ֆուտբոլային ամենամյա մրցաշարը մեկնարկում է

Ուշադրություն: Մեկնարկում է ԵՊՀ Արևելագիտության ֆակուլտետի ներֆակուլտետային ֆուտբոլային ամենամյա հերթական մրցաշարը: Առաջնության հաղթող թիմը արժանանում է «Մոնթե Մելքոնյանի» անվան գավաթին:

  Բոլորդ էլ հիշում եք, որ անցյալ տարի այս գավաթը արժանի կերպով նվաճեց "Արաբագիտության" բաժնի 2-րդ կուրսի թիմը:

Այս տարի մրցաշարի բացումը կլինի հոկտեմբերի 5-ին, «Կիլիկիա» մարզադաշտում, ժամը` 10:30-ին:

  Ցանկացողները կարող են ներկա գտնվել այս սպորտային իրադարձությանը, նամանավանդ այն դեպքում, երբ ֆուտբոլային այս մրցաշարը շատ կարևոր տեղ ունի ապագա արևելագետների ուսանողական կյանքում:

Հ.Գ.: Մրցող թիմերի աղյուսակը շուտով կհրապարակվի:

Կարդալ ավելին