Հետադարձ կապ

Շնորհակալ ենք Արևելագիտության ֆակուլտետով և նրա ուսանողական կյանքով հետաքրքրվելու ու այս բլոգ այցելելու համար: Մենք միշտ պատրաստ ենք  մեր ֆակուլտետում իրականացվող ուսումնական պրոցեսի և միջոցառումների  վերաբերյալ տեղեկատվություն տրամադրել հետաքրքրվող մարդկանց: Ինչպես նաև ուրախ ենք ձեզ տեսնել մեր միջոցառումների ընթացքում:

 Երևի արդեն հասկացաք, որ զուր չենք ասում՝  «Արևելքն այստեղ է» :

Մեզ հետ կարող եք կապվել՝ գալով ԵՊՀ Արևելագիտության ֆակուլտետ, 7-րդ մասնաշենք , 3-րդ հարկ, 320 սենյակ կամ զանգահարելով (37410) 555240  5-61  հեռախոսահամարով

Մեզ կարող եք գրել նաև  arevelaget@gmail.com էլ․հասցեով, ինչպես նաև գտնել  մեզ Ֆեյսբուքյան մեր էջում՝ https://www.facebook.com/arevelaget :

Կարդալ ավելին

«Ոչ ոք չի մոռացվում, ոչինչ չի մոռացվում»

Նոյեմբերի 12-ին  ԵՊՀ Ե. Չարենցի անվան դահլիճում տեղի ունեցավ ՀՀ Ազգային հերոսներին նվիրված միջոցառում, որը կազմակերպել էր Արեւելագիտության ֆակուլտետի ուսանողական խորհուրդը:

Միջոցառման կազմակերպման նպատակը ներկաներին ՀՀ Ազգային հերոսների կյանքին ու գործունեությանը ծանոթացնելն էր, ինչպես նաեւ ուսանողների շրջանում հայրենասիրական ոգու եւ ազգային արժանապատվության բարձրացումը:
«ՀՀ Ազգային հերոս» բարձրագույն կոչումը գործում է 1954 թ-ի ապրիլի 22-ից: Այն շնորհվում է երկրի պաշտպանության եւ իրավակարգի ամրապնդման բնագավառում ու ազգային նշանակալի արժեքների ստեղծման գործում Հայաստանի Հանրապետությանը մատուցած համազգային նշանակություն ունեցող բացառիկ ծառայությունների համար:
Միջոցառման ընթացքում ներկայացվեցին այն մարդկանց պատմությունները, ովքեր տարբեր տարիների արժանացել են «ՀՀ Ազգային հերոս» կոչմանը: Նրանց շարքում են Կարեն Դեմիրճյանը, Վազգեն Սարգսյանը, բարերարներ Նիկոլայ Ռիժկովն ու Գրիգոր Գրիգորյանը (Քըրք Քըրքորյան), ազգի մեծագույն զավակ Մոնթե Մելքոնյանը, Շարլ Ազնավուրը, Վիկտոր Համբարձումյանը, Ալեք Մանուկյանը եւ ուրիշներ: 
Միջոցառման հայրենասիրական ոգին բարձր պահեցին ֆակուլտետի ուսանողները, ովքեր ազգային պարերի ու հայրենասիրական երգերի իրենց կատարումներով իսկապես վարակեցին ներկաներին:
Շնորհակալական խոսքով հանդես եկավ ֆակուլտետի դեկան Գուրգեն Մելիքյանը, ով բարձր գնահատեց ուսանողների կատարած աշխատանքը եւ որպես արվածի վարձատրություն՝ խոստացավ մասնակիորեն վճարել այն ուսանողների ուսման վարձերը, ովքեր մասնակցում էին միջոցառմանը:
http://ysu.am/site/index.php?lang=3&page=2&id=13313

   

Կարդալ ավելին

Ժողովրդավարությունը շահում է «դատը»

Ապագա արեւելագետները հետաքրքիր ու ժամանցային ներկայացում-դատավարություն էին կազմակերպել:

Արեւելագիտության ֆակուլտետի ուսանողական խորհրդի նախաձեռնությամբ այսօր ԵՊՀ Ե. Չարենցի անվան դահլիճում տեղի ունեցավ «Ոտքի՛, ժողովրդավարությունն է գալիս» խորագրով ներկայացում-դատավարությունը: Միջոցառմանը մասնակցում էին ավելի քան 15 ակտիվ ուսանողներ, ովքեր փորձում էին լավագույնս ներկայացնել այն կերպարները, որոնց դերերն իրենք ստանձնել էին:

«Այս միջոցառման նպատակը ՀՀ-ում ժողովրդավարության ամրապնդումն ու զարգացումն է, ինչպես նաեւ ուսանողության շրջանում այդ ոլորտի վերաբերյալ գիտելիքների բարձրացումը: Մոտ մեկուկես ամիս պատրաստվելուց հետո բավականին հետաքրքիր միջոցառում ստացվեց. այդ մասին վկայում էին հանդիսատեսի կարգավիճակում միջոցառմանը մասնակցող թե՛ ուսանողները, թե՛ ֆակուլտետի պրոֆեսորադասախոսական կազմի անդամները»,- ասում է այսօրվա միջոցառման կազմակերպիչ, Արեւելագիտության ֆակուլտետի ՈՒԽ իրավական հանձնաժողովի պատասխանատու Սոնա Մակասյանը:

«Ոտքի՛, ժողովրդավարությունն է գալիս» խորագրով միջոցառումը կրում էր ներկայացում-դատավարության բնույթ, որի համատեսքստում «Բռնապետությունը» հայց էր ներկայացրել «Ժողովրդավարության» դեմ: Դատավարության ընթացքում արդեն բացահայտվում էին մերօրյա ժողովրդավարության եւ բռնապետության հակասությունները: Դատավարությանը ներկայացել էին երկու կողմերի ջատագովները (պատմական հայտնի կերպարների տեսքով)` որպես վկաներ:

Միջոցառման ընթացքում սերտ կապ էր պահպանվում հանդիսատեսի հետ` իմանալու համար նաեւ վերջիններիս տեսակետները: Թե՛ ուսանողները, թե՛ դասախոսները մեծ ակտիվություն էին ցուցաբերում եւ իրենց տեսակետներն էին ներկայացնում խնդրի առնչությամբ` կողմ կամ դեմ լինելով թիմերի արտահայտած տեսակետներին:

«Իրոք հաճելի միջոցառում էր: Երբ եկել էի մասնակցելու, ինձ ոչինչ հայտնի չէր` բացի միջոցառման խորագրից: Ամեն բան գաղտնի էին պահել` փորձելով հաճելի անակնկալ մատուցել հանդիսատեսին: Շատ ուրախ եմ, որ մեր ուսանողները կարողացան թեեւ ոչ իրենց մասնագիտական ոլորտում այսպիսի խորը գիտելիքներ ներկայացնել»,- ասում է Արաբագիտության ամբիոնի վարիչ Սոնա Տոնիկյանը:

Միջոցառման ավարտից հետո էլ մասնակիցների շրջանում բավականին բուռն քննարկումներ էին ծավալվել`
«Ժողովրդավարությո՞ւն, թե՞ բռնապետություն» հարցի պատասխանը գտնելու համար, թեեւ «դատարանն» արդեն վճիռ էր կայացրել ժողովրդավարության օգտին. «բռնապետները» ոչ մի կերպ չէին համակերպվում դաժան պարտությանը:

Ըստ Արեւելագիտության ֆակուլտետի մագիստրատուրայի 1-ին կուրսի ուսանող Հարություն Մալխասյանի` հաճելի էր, որ այդպիսի յուրօրինակ միջոցառում էր կազմակերպվել. «Ուրախ եմ, որ մեր 3-րդ կուրսի ուսանողները կարողացան այսքան գեղեցիկ ներկայացում-դատավարություն բեմադրել: Մթնոլորտը, իրոք, ուրախ էր ու հաճելի, այդ պատճառով էլ որեւէ թերացում չեմ նկատել:

           

Կարդալ ավելին

Կայացավ «Արագ բանավեճի» առաջին խաղը

Դեկտեմբերի 10-ին Արևելագիտության ֆակուլտետում տեղի ունեցավ «Արագ բանավեճ» մրցույթը: Այս ձևաչափով բանավեճը մեր ֆակուլտետում առաջին անգամ էր կազմակերպվել, քանի որ ցանկացել էինք նոր շունչ հաղորդել այս միջոցառմանը: Այս յուրօրինակ մրցույթին մասնակցում էին 3 թիմեր` բաղկացած 5 անդամներից, համապատասխանաբար Իրանագիտության, Արաբագիտության և Թյուրքագիտության բաժիններից:
Թեմաները տրվում էին ժյուրիի անդամների կողմից և 1 րոպե ժամանակ էր հատկացվում, այդ ընթացքում մտքերը հնարավորինս ամփոփելու և թիմի դիրքորոշումը ներկայացնելու համար:
Ժյուրիի անդամներն էին թյուրքագետ Ռուբեն Մելքոնյանը, իրանագետ Խաչիկ Գևորգյանը և արաբագետ Արայիկ Հարությունյանը: Առաջարկված թեմաները բավականին հետաքրքիր էին. առնչվում էին ինչպես մասնագիտական, այնպես էլ առօրյայում շատերին հուզող հարցերին` սկսած տարածաշրջանային հիմնահարցերից մինչև մերօրյա «բարձրորակ» սերիալներ, ընդհուպ մինչև «հիգիենայի նորմեր»: Այս անգամ հակառակորդ թիմերը իրավունք չունեին հարցեր ուղղելու միմյանց, ուստի հնչում էին միայն ժյուրիի անդամների հարցերը:
Նշենք, որ այսօր «Արագ բանավեճ»-ի առաջին փուլն էր, և հաջորդ փուլ կարող էին անցնել միայն 2 թիմ: Արդեն այժմ հաջորդ փուլին մասնակցելու իրավունք են ստացել Իրանագիտության և Արաբագիտության բաժինները ներկայացնող թիմերը: Երկրորդ փուլում միմյանց հարցերով դիմելու իրավունք կունենան նաև հակառակորդ թիմերը, այնպես որ բավականին հետաքրքիր բանավեճ է սպասվում նաև ապագայում:
 
Հ.Գ. Մի՛ վիճեք արձագանքի հետ, միևնույն է վերջին խոսքը նրանն է լինելու:

http://ysu.am/site/index.php?lang=3&page=2&id=13309
Նյութը՝ Անի Հովակիմյանի

Կարդալ ավելին

ՀՀ Ազգային հերոսներին նվիրված միջոցառում

Արևելագիտության ֆակուլտետի Ուսանողական խորհուրդը սիրով հրավիրում է դեկտեմբերի 12-ին ժամը13:00 -ին ներկա գտնվել ՀՀ Ազգային հերոսներին նվիրված միջոցառմանը։ 
Բոլորս չէ, որ գիտենք ու հավուր պատշաճի ճանաչում ենք Հայաստանի Հանրապետության Ազգային հերոսներին: Այդ իսկ պատճառով մենք նախաձեռնել ենք այս փոքրիկ միջոցառումը, որի նպատակը երիտասարդության շրջանում  ազգաճանաչության բարձրացմանը նպաստումն է:
Հավելենք, որ Արևելագիտության ֆակուլտետի ՈՒԽ նախաձեռնությամբ ֆակուլտետում բացվել է ՀՀ Ազգային հերոսներին նվիրված անկյուն, իսկ այս միջոցառումը հանդիսանում է նրա տրամաբանական շարունակությունը: 
Մինչ հանդիպում:

https://www.facebook.com/events/451299788260607/?ref=notif&notif_t=plan_user_joined

Կարդալ ավելին

"Ոտքի, ժողովրդավարությունն է գալիս"

Հարգելի համալսարանականնե՛ր և ոչ միայն,
Արևելագիտության ֆակուլտետում կկայանա "Ոտքի, ժողովրդավարությունն է գալիս" խորագրով ներկայացում-դատավարություն: Այն տեղի կունենա դեկտեմբերի 14-ին, ժամը` 14:30, ԵՊՀ 7-րդ՝ Սպիտակ շենքի Ե.Չարենցի անվան լսարանում (229): Միջոցառման մանրամասները պահում ենք գաղտնի, սակայն նրա հետաքրքիր ու ինտերակտիվ լինելը երաշխավորում ենք: Մեծ սիրով սպասում ենք բոլորիդ:

Կարդալ ավելին

Ճիշտ կիրառենք մեր մտածողության մեխանիզմները

Դեկտեմբերի 6-ին ԵՊՀ Սպիտակ շենքի կամ 7-րդ մասնաշենքի Չարենցի դահլիճում հավաքվել էին բարձր ինտելեկտով աչքի ընկնող համալսարանականները: ԵՊՀ ՈՒԽ Գիտակրթական հանձնաժողովի կողմից կազմակերպվել էր «ԵՊՀ ինտելեկտուալ ուսանող» խաղ-մրցույթը, որի հիմանական նպատակն էր բացահայտել բարձր ինտելեկտ ունեցող ուսանողներին և նրանց շրջանում հնարավորինս խթանել հետաքրքրությունը նմանատիպ միջոցառումների նկատմամբ:
Ինտելեկտուալ թեստը անհատական բնույթի էր և բաղկացած էր 10 բաժնից, յուրաքանչյուրում` տասական հարց: Թեմաներն առնչվում էին գիտությանը, գրականությանը, աշխարհագրությանը, կերպարվեստին, սպորտին, ֆիլմերին, երաժշտությանը և այլն: Հարկ է նշել հարցերի հետաքրքրաշարժության մասին, որն էլ ավելի կխթանի հետագայում նմանատիպ միջոցառումներին ուսանողության ակտիվ մասնակցությանը: 
Մրցույթի հաշվիչ հանձնաժողովը կազմված էր ՈՒԽ Գիտակրթական հանձնաժողովի անդամներից, իսկ մրցանակները հանձեցին ՈւԽ Գիտակրթական հանձնաժողովի նախագահ Արմեն Խաչիկյանը և ՈՒԽ փոխնախագահ Վարդան Ղափլանյանը:Մրցույթին մասնակցող արևելագետները շուրջ 20-ն էին: Չնայած մրցանակային տեղեր չունեցանք, սակայն 2 արևելագետ` առաջին կուրսի ուսանող Վահան Կոստանյանը և 4-րդ կուրսի ուսանողուհի Լուսինե Մկրտչյանը ընդգրկվեցին լավագույն տասնյակի մեջ: Չենք մոռանում նաև մրցույթի մասնակից մյուս արևելագետներին, ովքեր լավ արդյունքներ էին ցուցաբերել: Շնորհակալություն ենք հայտնում բոլորին մասնակցության համար և մաղթում նորանոր ձեռքբերումներ այս ոլորտում :
Չմոռանանք նաև շնորհավորել մրցույթի բոլոր հաղթողներին, մասնավորապես առաջին հորիզոնականը զբաղեցրած Ինֆորմատիկայի և կիրառական մաթեմատիկայի ֆակուլտետի ուսանողին:
Հ․Գ․ Ասում են՝ «Ինտելեկտը մարդու խելքի աստիճանն է և մտածողության մեխանիզմների կիրառման ունակությունը»: Ուստի, եկեք հնարավորինս ճիշտ կիրառենք մեր մտածողության մեխանիզմները:

«ԵՊՀ ինտելեկտուալ ուսանող» մրցույթի մասնակիցները

Նյութը՝ Անի Հովակիմյանի

Կարդալ ավելին

Առաջին կուրսեցիները ստացան ուսանողական գրքույկները

 Դեկտեմբերի 1-ին Մայր բուհի Արևելագիտության ֆակուլտետի ՈւԽ-ն կազմակերպել էր այց Օշական՝ այնտեղ հանձնելու առաջին կուրսի ուսանողների ստուգման գրքույկներն ու ուսանողական տոմսերը: Հարկ է նշել, որ նման այցը ֆակուլտետում արդեն դարձել է ավանդույթ. ամեն տարի ֆակուլտետի առաջին կուրսեցիները իրենց ուսանողական տոմսերն ու ստուգման գրքույկները ստանում են Օշականում՝ մեր դպրության ու գիտության նախահոր՝ Սուրբ Մեսրոպ Մաշտոցի ծննդավայրում և հանգրվանում:Այս տարի այցին մասնակցում էին մոտավորապես 100-ից ավել ուսանողներ, որից մոտավորապես 80-ը՝ առաջին կուրսեցիներ: Ուսանողներին էին միացել նաև ֆակուլտետի սիրելի դասախոսները՝ դեկանի տեղակալներ Ռուբեն Մելքոնյան ու Վարդան Ոսկանյանը, արաբագիտության բաժնի դասախոսներ Արայիկ Հարությունյանը, Ալվինա Հովհաննիսյանը և Սյուզաննա Գյոզալյանը:
Միջոցառման բացման խոսքով հանդես եկավ դեկանի տեղակալ Ռուբեն Մելքոնյանը:Ուսանողներին իր լավագույն բարեմաղթանքներն ուղղեց Արևելագիտության ֆակուլտետի ՈւԽ նախագահ Արման Գրիգորյանը:Ավելի ուշ եկեղեցում ուսանողները ստացան Սուրբ Հոր օրհնությունը, ով իր հերթին կարևորեց մեր օրերում գիտելիքի դերն ու ներուժը՝ ամենից վեր դասելով ազգային և հոգևոր գիտելիքի իմացությունը:Այնուհետև դասախոսներն ուսանողներին հանձնեցին իրենց ստուգման գրքույկները՝ հորդորելով լավ սովորել և հույս հայտնելով գրքույկներում տեսնել միայն բարձր միավորներ:
Կազմակերպվեցին նաև տարբեր խաղեր, որոնք օգնում էին լավագույնս ճանաչել միմյանց և ամրապնդել հաստատված ընկերական հարաբերությունները, ինչպես նաև թույլ տվեցին բացահայտել ֆակուլտետի նոր տաղանդներին (ի դեպ, նրանք շատ էին, ինչը շատ ոգևորիչ հանգամանք է):Հատկանշական է, որ առաջին կուրսեցիներն արդեն ներգրավվել են համալսարանականի ուսանողական կյանքին ու ֆակուլտետի ուսանողների ծավալած աշխատանքներին և հանդես են գալիս նաև սեփական նախաձեռնություններով:Վերադարձի ճանապարհին ուսանողների բարձր տրամադրությունը, բարի ժպիտները ու խոսքերը թույլ տվեցին միջոցառումը համարել կայացած ու հաջողված:
Արևելագիտության ֆակուլտետի ՈւԽ-ն ևս մեկ անգամ շնորհավորում է առաջին կուրսեցիներին`մաղթելով բեղմնավոր ուսանողական տարիներ, գիտելիքների անսահման շտեմարան ու բարձր միավորներով լցված ուսանողական գրքույկներ:

 Նյութը՝ Սոնա Մակասյանի

Կարդալ ավելին

Պատանիների հանդիպումը քահանայի հետ կարևոր նշանակություն ունի

Նոյեմբերի 29-ին տեղի ունեցավ Մայր բուհի ՈՒԽ-ի կողմից կազմակերպված Մարկոս քահանա Մանգասարյանի հետ հանդիպումը: Քննարկման թեման այս անգամ վերաբերում էր աղանդներին: Հանդիպման հիմնական նպատակն էր պարզաբանել, թե ինչ է աղանդը, որ խոցելի խավերը կարող են դառնալ աղանդի հետևորդի համար «որս» և ինչպես կարող են աղանդավորները թակարդը գցել իրենց «որսին»:

Անդրադառնանք նախևառաջ այն հարցին, թե ինչու են հոգևորական այրերը որոշել նման թեմայով զրույց անցկացնել հենց համալսարանականների շրջանում, ավելի կոնկրետ անցումային փուլում գտնվող պատանիների շրջանում: Հարցի պատասխանը միանշանակ տրամաբանական է: Հենց այս տարիքում է շատերին թվում, որ հասուն են ինքնուրույն որոշումներ կայացնելու համար:Աղանդի ներկայացուցիչները խաղում են պատանիների հենց այս լարերի վրա` փորձելով նրանց ներշնչել, որ իրենք կարող են ինքնուրույն լինել և դիմացինի մեջ տեսնել այն միակ մարդուն, ով կարող է հասկանալ նրանց: Հենց այս խաբուսիկ բարեհոգության պատճառով է, որ պատանիների թիվը աղանդների հետևորդների շրջանում գնալով մեծանում է: Ուստի, շատ կարևոր է երիտասարդների շրջանում արթնացնել զգոնություն «բարեհոգի և հոգատար» ընկերնեիր նկատմամբ:Հարկ է, որ զգոնություն դրսևորեն ոչ միայն երիտասարդները, այլ նաև հասարակության բոլոր խավերը, քանի որ այս «քարոզիչներ» կոչվածները կիրառում են այնպիսի մեթոդներ, որ ցանկացած զգացմունքային անձնավորության կարող են դնել իրենց պատկերացրած «ճշմարիտ ուղու» վրա:

Հոգևորականը, այս ամենի մասին խոսելով, հիմնական շեշտը դրեց սեփական հավատի արժեվորման, բովանդակության, ծիսակարտարողակարգի դերի բարձրացման վրա, այլ ոչ թե աղանդների դեմ պայքարի վրա, քանի որ իր հավատը իսկապես ճանաչող մարդը երբեք չի կարող դառնալ որևէ աղանդի հետևորդ:Բավականին հետաքրքիր զրույցից հետո, ուսանողները ուղղեցին իրենց հարցերը հոգևորականին և ստացան բովանդակալից պատասխաններ:Ի վերջո, «Անհնար է մի էություն վերցնել, նրանով լրացնել մի ուրիշը, դառնալ էության մաս, և ամբողջությամբ պահպանել սեփական հատկությունները»: Այնպես որ, եկե՛ք պահպանենք մեր սեփական հատկանիշները, նրանցից լավ մեզ ոչինչ չի ենթարկվի:

Նյութը՝ Անի Հովակիմյանի

Կարդալ ավելին

Արևելագիտության ֆակուլտետի ՈՒԽ-ի նոր կազմը

2012 թվականի նոյեմբերի 28-ին հաստատվեց ԵՊՀ Արևելագիտության ֆակուլտետի Ուսանողական խորհրդի նոր կազմը: 

Ուսանողական խորհրդի նախագահ միաձայն ընտրվեց Իրանագիտության բաժնի մագիստրատուրա 1-ին կուրսի ուսանող Արման Գրիգորյանը (7 կողմ, 0 դեմ, 0 ձեռնպահ): Նույն օրվա նիստի ընթացքում վերընտրվեց նաև Ուսանողական խորհրդի քարտուղարը՝ Իրանագիտության բաժնի բակալավր 4-րդ կուրսի ուղանող Հրաչյա Մխիթարյանը (7 կողմ, 0 դեմ, 0 ձեռնպահ): Շնորհավորում ենք բոլոր ընտրված ուսանողներին:

ՈՒԽ-ի կազմը՝

Արման Գրիգորյան-նախագահ

GrigoryanArman91@Gmail.com

098 122 188

091 122 188

Հրաչյա Մխիթարյան – քարտուղար

Hrachmkhitaryan@gmail.com

093 91 55 54

Մխիթար Հայրապետյան – անդամ

mkhitarhay@gmail.com

Ռիմա Կաբրիլյանց – անդամ

Kabrilyantsrima@gmail.com

Տաթևիկ Բրուտյան - անդամ

 tatevikbrutyan123@gmail.com

Աննա Կարապետյան- անդամ

Էդուարդ Գալստյան- անդամ

ՈՒԽ հանձնաժողովների պատասխանատուներ՝

Իրավական հանձնաժողով- Սոնա Մակասյան               s.makasyan@hotmail.com

Լրատվական հանձնաժողով- Դիանա Եղիազարյան     dianaeghiazaryan92@gmail.com   

Գիտակրթական հանձնաժողով- Անի Հովակիմյան      anihovakimyan94@yahoo.co.uk            Տաթևիկ Բրուտյան tatevikbrutyan123@gmail.com

Մշակույթի հանձնաժողով – Ռիմա Կաբրիլյանց             Kabrilyantsrima@gmail.com

Սոցիալական հանձնաժողով- Էդուարդ Գալստյան

Սպորտի հանձնաժողով- Մխիթար Հայրապետյան        mkhitarhay@gmail.com

Կարդալ ավելին

ՈՒսանողները փուլ առ փուլ ծանոթանում են Հայաստանում Բոլոնյան գործընթացին

Նոյեմբերի 22-ին Մայր բուհի Արևելագիտության ֆակուլտետում տեղի ունեցավ «Բոլոնիայի գործընթացը և Հայաստանը» խորագրով սեմինար-քննարկման երկրորդ փուլը: Այն կազմակերպվել էր ֆակուլտետի առաջին կուրսի ուսանողների համար` Արևելագիտության ֆակուլտետի ՈՒԽ Իրավական և Գիտակրթական հանձնաժողովների կողմից, և նպատակ ուներ ուսանողներին հնարավորինս ծանոթացնել այն կրթական գործընթացին, որին անդամակցում է նաև Հայաստանի Հանրապետությունը (Բերգեն, 2005թ.):

Սեմինար-քննարկման առաջին փուլում քննարկվեց Բոլոնիայի գործընթացի ստեղծման պատմությունը, վերջինիս հիմնական նպատակները և գործողությունների 10 ուղղությունները: Միջոցառումը վարում էին Արևելագիտության ֆակուլտետի ուսանողներ Սոնա Մակասյանը, Անի Հովակիմյանը և Տաթևիկ Բրուտյանը:

Արդեն այսօր առաջին կուրսի ուսանողները ներկայացրեցին իրենց կողմից ընտրված 5 ուղղությունները: Նրանք մանրամասն ուսումնասիրություններ էին կատարել և պատկերացույցների (սլայդներ) միջոցով պատկերավոր ներկայացրեցին գործընթացն ու վերջինիս ուղղությունները:

Միջոցառմանը բացման խոսքով հանդես եկավ Արևելագիտության ֆակուլտետի ՈՒԽ նախագահ Արման Գրիգորյանը: Նա ողջունեց առաջին կուրսեցիներին` իր խոսքում կարևորելով ֆակուլտետում նմանատիպ գիտակրթական միջոցառումների կազմակերպումը և հատկապես առաջին կուրսեցիների ներգրավվածությունը նրանցում:

Միջոցառմանը ներկա էին նաև ԵՊՀ ՈՒԽ «Բոլոնիայի գործընթացի» վերաբերյալ հարցերի պատասխանատուները, ՈՒԽ Գիտակրթական հանձնաժողովի նախագահ Արմեն Խաչիկյանը և Իրավական հանձնաժողովի նահագահ Լաուրա Սիմոնյանը: Նրանք իրենց շնորհակալությունն ու գոհունակությունը հայտնեցին առաջին կուրսի ուսանողներին նմանօրինակ ակտիվություն դրսևորելու համար: Ինչպես նաև մտադրություն հայտնեցին նմանատիպ միջոցառումները դարձնել շարունակական` ներգրավվելով նաև այլ ֆակուլտետների ուսանողներին` նպատակ ունենալով բարձրացնել «Բոլոնիայի գործընթացի» վերաբերյալ տեղեկատվության մակարդակը:

Նյութը՝ Սոնա Մակասյանի

Կարդալ ավելին