Ռիմա Կաբրիլյանցը՝ ֆակուլտետային ուսանողական խորհրդի նախագահ

Նոյեմբերի 28-ին   Արևելագիտության ֆակուլտետի ուսանողական խորհրդի անդամների հրավիրված նիստում ֆակուլտետային ուսանողական խորհրդի նախագահ ընտրվեց բազմափորձ ուսխորհրդական, արաբագիտության 4-րդ կուրսի ուսանողուհի Ռիմա Կաբրիլյանցը։

Շնորհավորում ենք նորանշանակ նախագահին և մաղթում աշխատանքային բեղուն գործունեություն այս կարևոր պաշտոնում։

Կարդալ ավելին

Արևելագետներն Ազգային ժողովում

Նոյեմբերի 21-ին ԵՊՀ արևելագիտության ֆակուլտետի 60 ուսանողներ «Արևելագետները  Ազգային ժողովում» ծրագրի շրջանակներում հանդիպեց Ազգային ժողովի արտաքին կապերի մշտական հանձնաժողովի նախագահ Արտակ Զաքարյանի հետ:

Բանախոսը բաց դասախոսություն անցկացրեց արևելագետ ուսանողների հետ, որի ընթացքում արծարծվեց խորհրդարանական դիվանագիտության կարևորությունը միջազգային հարթակներում հայկական արտաքին քաղաքական տեսակետների ներկայացման գործում: Արտակ Զաքարյանը իր ելույթում անդրադարձավ այն բոլոր կառույցներին, որտեղ ներկայացված են ՀՀ խորհրդարանական պատվիրակությունները, օտարերկյա մի շարք պառլամենտերի հետ գործընկերային հարաբերություններին:

Եզրափակելով իր ելույթը` պատգամավորը պատասխանեց արևելագետ ուսանողների հարցերին, որոնք լայն ընդգրկում ունեին` հայ-թուրքական արձանագրություններից մինչև Հայաստանի անդամակցությունը Մաքսային Միությանը:

Հանդիպման ավարտին Արևելագիտության ֆակուլտետի փոխդեկան Ռուբեն Մելքոնյանը շնորհակալություն հայտնեց արևելագետ ուսանողներին Ազգային ժողովում սիրով ընդունելու համար և հրավիրեց Արտակ Զաքարյանին մեկ այլ հանդիպման արդեն ԵՊՀ արևելագիտության ֆակուլտետում:

Կարդալ ավելին

Արևելագետները Արցախում

Նոյեմբերի 7-ին ԵՊՀ ուսանողական խորհուրդը մեկնեց Արցախ,որպեսզի հուշագիր ստորագրի Արցախի պետական համալսարանի ուսանողական վարչության հետ և Բերձորում ծառատունկ անի: Արևելագիտության ֆակուլտետի 15 ուսանողներ նեգրավվեցին այս փոքրիկ և ինքնատիպ ճամփորդությանը: Ուսանողներից շատերը առաջին անգամ էին գնում Ղարաբաղ և նրանց մեջ ավելի մեծ թափով էր բորբոքվում հայրենասիրության անմար կրակը:

Առաջին օրը ուսանողները հյուրընկալվեցին Արցախի պետական համալսարանում, ԵՊՀ ՈՒԽ-ն ստորագրեց հուշագիրը և դրան հաջորդեց «Ի՞նչ,որտե՞ղ, ե՞րբ»  ինտելեկտուալ խաղը, որին մասնակցում էին Արցախի պետական համալսարանի տարբեր ֆակուլտետների թիմեր, Արցախից ավագ դպրոցների թիմեր և Երևանի պետական համալսարանի երկու թիմ, որոնցից մեկի կազմում հենց արևելագետներն էին: Երկու փուլերի արդյունքում արևելագետների ջանքերով հաթանակը շնորհվեց ԵՊՀ֊ին։

Հետագայում ուսանողները հանդիպեցին  Պարգև Սրբազանին: Նա ուսանողներին  պայքարի կոչ արեց և փաստեց,որ նրանք են երկրի ապագան և նրանց ձեռքում է ամեն ինչ:

Ուսանողները հանդիպեցին նաև Արցախի մշակույթի և երիտասարդության  նախարար Նարինե Աղբալյանի հետ: Վերջինս նշեց, որ շատ է կարևորում երիտասարդության  ակտիվությունը:

Վերջինս հավելեց, որ պետք է կազմակերպվեն բազմաբնույթ դասընթացներ ՝ Արցախում երիտասարդությա մեջ ակտիվության բարձրացման համար:

Երիտասարդները եղան նաև Գանձասարի վանական համալիրում, իսկ վերջին օրը տնկեցին 150 ընկուզենի:

Կարդալ ավելին

Հայտնի են եզրափակչի մասնակիցները

Նոյեմբերի 4֊ին տեղի ունեցավ Արևելագիտության ֆակուլտետի ուսանողական խորհրդի կողմից կազմակերպված առաջին կուրսեցիների բանավեճի առաջնության հերթական խաղը։
Սիրիահայերի Հայաստանում մնալու կամ Սիրիա վերադառնալու խնդրի շուրջ բանավիճում էին իրանագիտության և թյուրքագիտության առաջին կուրսերը ներկայացնող թիմերը։
Խնդրի քննարկումների ընթացքում բանախոսներն անդրադարձան թե՛ Սիրիայի ներքաղաքական վիճակին, թե՛ Հայաստանի Հանրապետության կառավարության կողմից սիրիահայերի խնդիրների ուղղությամբ տարվող քաղաքականությանը, թե ներգաղթի ճանապարհային քարտեզ ստեղծելու անհրաժեշտությանը։
Ծավալված բանավեճի արդյունքում ժյուրին հաղթանակը շնորհեց թյուրքագիտության թիմին։
Հենց այս բանավեճի արդյունքում պարզ դարձավ եզրափակիչ խաղի մասնակից զույգը։
Այսպիսով նոյեմբերի 6-ին եզրափակիչ խաղում միմյանց դեմ դուրս կգան Արաբագիտություն 1 և Թյուրքագիտություն 1 թիմերը։

Կարդալ ավելին

Բանավեճի թեման`« Հայ-թուրքական սահմանի վերաբացումը»

Նոյեմբերի 1-ին տեղի ունեցավ արևելագիտության ֆակուլտետի առաջին կուրսեցիների առաջնության երկրորդ խաղը:Երկրորդ խաղը տեղի ունեցավ արաբագիտության և իրանագիտության թիմերի մեջ: Բանավեճի թեման էր՝«Արդյոք պետք է բացվի հայ-թուրքական սահմանը, թե՞ ոչ»:

:

                                            

Ժյուրիի անդամներն էին ՝ Ռուբեն Մելքոնյանը (թյուքագիտության ամբիոն),Սոնա Տոնիկյանը (արաբագիտության ամբիոն), Վարդան Կոստանյանը (իրանագիտության ամբիոնի նախկին ուսանող,2012-13թթ. ՈւԳԸ նախագահ), Գարիկ Գրիգորյանը (իրանագիտության ամբիոնի նախկին ուսանող):
                                    

Բանավեճն անցավ մասնակիցների հայրենասիրական գաղափարների ներքո: Արաբագետները ի շահ հայրենիքի զարգացման և տնտեսության առաջընթացի տեսանկյունից, ցանկանում էին բացել սահմանը, ապա իրանագետները միանշանակ բացառում էին այդ փաստը և,ազգի անվտանգությունից ելնելով, պաշտպանում էին իրենց տեսակետը:

Խաղի ընթացքում քննարկումները շատ էին, սակայն կային հարցեր, որոնց մասին պարոն Մելքոնայնի խորհրդով ուսանողները դեռ պետք է խորհեն:

                                 

Խաղը վերջացավ արաբագետների հաղթանակով: 

Կարդալ ավելին

Բանավիճում են ամենաերիտասարդ արևելագետները

Հոկտեմբերի 31-ին Արևելագիտության ֆակուլտետում մեկնարկեց առաջին կուրսեցիների բանավեճի առաջնությունը:

 Առաջնությանը մասնկացում են արաբագիտության, թյուրքագիտության և իրանագիտության բաժինների 1-ին կուրսեցիները: Առաջին խաղը արաբագիտության և թյուրքագիտության թիմերի միջև էր: Բանավեճի թեման էր «Արդյոք Հայաստանը պետք է խորացնի ԻԻՀ֊ի հետ հարաբերոությունները, թե՞ ոչ »:  

 


Բանավեճը դատում էին պարոն Մելքոնյանը (թյուքագիտության ամբիոն), պարոն Ոսկանյանը (իրանագիտության ամբիոն), պարոն Քոչարյանը (արաբագիտության ամբիոն) և Մխրթար Հայրապետյանը (Արևելագիտության ֆակուլտետի նախկին ուսանող):

Բանավեճն անցավ թեժ մթնոլորտում: Արաբագետների ճշգրիտ փաստարկներին գալիս էին հակադրվելու թյուրքագետների պատմական տարակուսանքները: Խաղի վերջում ժյուրիի անդամ  պարոն Ոսկանյանը նշեց, որ խաղի ընթացքում քիչ էին քննարկումներն ու հարցերը, իսկ պարոն Քոչարյանը հավելեց, որ հարցեր տալով է պետք գտնել հակառակորդի թույլ կետերը:  



Խաղն ավարտվեց թյուքագետների հաղթանակով:

Թիմերին մաղթում ենք ավելի հարցաշատ և առողջ խաղեր:

Հ.գ. Հիշեցնենք նաև, որ նոյեմբերի 1-ին կբանավիճեն արաբագետները և իրանագետները:

Կարդալ ավելին

Արևելագետները Հայագիտական միջազգային 2-րդ համաժողովում

 Հոկտեմբերի 17-ին մեկնարկեց ԳԱԱ-ի 70-ամյակին նվիրված Հայագիտական միջազգային երկրորդ համաժողովըը: Արևելագիտության ֆակուլտետի ուսանողական խորհուրդը գիտակրթական հանձնաժողովի նախաձեռնությամբ, նունյպես, անմասն չմնաց այս կարևոր գիտաժողովից: Հոկտեմբերի 17-ին մի խումբ ուսանողներ մասնակցեցին գիտաժողովի առաջին օրվա աշխատանքերին:  

Ուսանողներին ամենից շատ հետաքրքրեցին պատմության և Հայոց ցեղասպանության հիմնախնդիրների քննարկմանը նվիրված բաժանմունքները: Նրանք լսեցին մի շարք զեկուցումներ, որոնցից երիտասարդ արևելագետների համար հետաքրքրիր էին հատկապես՝ Անուշ Հովհաննիսյանի՝ «Հայոց Լքյալ գույքի յուրացման և վերաբաշխման ինստիտուցիոնալ մեխանիզմները Թուրքիայում», Արմենուհի Ղամբարյանի՝«Հայկական հարցն ԱՄՆ Ներկայացուցիչների պալատում 1918թ. սկզբին» և Մհեր Հովհաննիսյանի՝ «Համացանցային քարոզչության հակահայկական դրսևորումները» զեկույցները:

Հատկանշական է, որ զեկուցումների ընթացքում Ա. Հովհաննիսյանը նշեց, որ հայերի ունեզրկումը Թուրքիայում չի սահմանափակվում միայն 1923թ-ով կամ 1950 –ական թթ-ով, այլ շարունակվում է մինչև մեր օրերը: Բանախոսը նաև նշեց, որ հայերի ոչնչացմանը զուգահեռ նույն ժամանակահատվածում Թուրքայում ազգային տնտեսության կառուցման պրոցեսն է ընթացել: Իսկ տնտեսության մեջ դրված գումարը եղել է հենց այն գումարը, որը նրանք թալանել էին հայերից:

Ա. Ղամբարյանը իր զեկույցում ներկայացնում էր 1918թ. Փետ. 7-ին Էդուարդ Լիթլի ելույթը: Ցիտելով ամերկացի կոնգրեսականին` նշվեց,որ հայերի ոչնչացումը չի նպաստել քաղաքակրթության հետագա զարգացմանը: Ինչպես նաև դա չեր նպաստում թուրքերին:

 Մ. Հովհաննիսյանը իր զեկույցում ընդգծեց, որ այսօր համացանցը ոչ միայն տեղեկատվության լավ աղբյուր է, այլ նաև ապատեղեկատվության: Իսկ դրանից օգտվում են Թուրքիան ու Ադրբեջանը և ակտիվորեն հակահայկական քարոզչություն են անում: Նա նշեց, որ Ադրբեջանն այսօր ունի հակահայկական քարոզչության ավելի քան 60 կայք, իսկ Թուրքիան՝ 10 կայք: Ի պատիվ հայկական կողմի, բոլոր ստահոդ լուրերը ստանում եմ համապատասխան հակահարված:

Երիտասարդ արևելագետներն այսօր համաժողովի ընթացքում ստացան բավականին շատ տեղեկատվություն, որը հետագայում կկիրառեն արդեն իրենց գիտական աշխատանքներում:

Կարդալ ավելին